Dhjetëra të vdekur pas shpërthimit në një xhami në Afganistan

MAZAR-I SHARIF - AFGHANISTAN - APRIL 21: A view from the Seh Dokan mosque after a blast that hit the mosque located in a busy area of Mazar-i-Sharif, Afghanistan April 21, 2022. At least 10 people were killed and many others injured in the blast. (Photo by Sayed Khodaiberdi Sadat/Anadolu Agency via Getty Images)

10:14 | 23 Prill 2022
Artan Maliqi

Të paktën 33 persona kanë gjetur vdekjen nga një shpërthim që goditi një xhami gjatë lutjeve të së premtes në veri të Afganistanit, njoftoi një zëdhënës i talebanëve, shkruajnë mediat e huaja, përcjell Telegrafi.

Shpërthimi ndodhi në një xhami në lagjen Imam Sahib të Kunduz.

Është e paqartë se kush qëndron pas sulmit.

Shpërthimi i së premtes pason një seri sulmesh në Afganistan të ndodhura të enjten.

“Unë dënoj sulmet e shumta dje në Afganistan, duke përfshirë xhaminë Seh Dokan në Mazar-e-Sharif gjatë lutjeve”, ka thënë Sekretari i Përgjithshëm i OKB-së, António Guterres.

“Shpreh ngushëllimet e mia më të thella për familjet e viktimave dhe uroj shërim të shpejtë të plagosurve”, shtoi ai.

Një degë e të ashtuquajturit Shteti Islamik – i njohur si ISIS-K – mori përgjegjësinë për serinë e tre sulmeve të enjten, sipas kanalit Telegram të grupit terrorist. /Telegrafi/